விமான நிலையத்தில் தொலைந்து போன பூனைக்குட்டி! ஏர் இந்தியா மீது பயணி புகார்!

ஏர் இந்தியா விமானம் மூலம் இம்பாலுக்கு சென்ற போது டெல்லி இந்திரா காந்தி சர்வதேச விமான நிலையத்தில் தனது செல்லப்பிராணி ஒன்றை இழந்ததாக ஏர் இந்தியா பயணி கூறுகிறார்.  

Written by - Vidya Gopalakrishnan | Last Updated : Apr 29, 2023, 10:15 PM IST
  • விமானத்தின் விவரங்களைப் பகிர்ந்து கொண்ட ட்விட்டர் பயனர்.
  • செல்லப் பூனைகளுடன் AI889 விமானத்தில் டெல்லியில் இருந்து இம்பாலுக்கு பயணம்.
  • டெல்லி இந்திரா காந்தி சர்வதேச விமான நிலையத்தில் தனது செல்லப் பூனையை இழந்த பெண்.
விமான நிலையத்தில் தொலைந்து போன பூனைக்குட்டி! ஏர் இந்தியா மீது பயணி புகார்! title=

செல்லப்பிராணிகளுடன் நீண்ட தூரம் பயணம் செய்வது செல்லப்பிராணி உரிமையாளருக்கு மிகவும் பிரச்சனைகளை கொடுக்க கூடியதாக இருக்கும்.அதிலும் விமானப் பயணத்தில் ஈடுபடும்போது பல சிக்கல்கள் உள்ளன. மேலும், செல்லப்பிராணியுடன் விமானத்தில் பயணிக்கும் ஒருவர், விமான நிறுவனத்தின் செல்லப்பிராணிக் கொள்கையைப் புரிந்துகொள்வதற்கான செயல்முறை மற்றும் அவர்களின் செல்லப்பிராணிகளைப் பெறுவதற்கான பல வழிமுறைகளை மேற்கொள்ள வேண்டும். இருப்பினும், இவ்வளவுக்குப் பிறகும், சில சமயங்களில், பயணங்களில் ஏற்படக் கூடும். இதேபோன்ற ஒரு வழக்கில், டெல்லி இந்திரா காந்தி சர்வதேச விமான நிலையத்தில் தனது செல்லப் பூனையை இழந்ததாக ஒரு பெண் கூறுகிறார். மேலும், பல புகார்களுக்குப் பிறகும் தனது பிரச்சினை தொடர்பாக உதவி ஏதும் கிடைக்கவில்லை என்றும் அவர் கூறுகிறார்.

சோனி எஸ். சோமர் என்ற ட்விட்டர் பயனர், ஏர் இந்தியா ஊழியர்களின் "அலட்சியத்தால்" இந்திரா காந்தி சர்வதேச விமான நிலையத்தில் தனது பூனையை இழந்ததாகக் கூறி நண்பர் இழந்த பூனையின் கதையைப் பகிர்ந்துள்ளார். சோமர் தனது ட்வீட்டில், "ஏர் இந்தியா ஊழியர்களின் அலட்சியத்தால் எனது நண்பரின் செல்லப்பிராணியை காணவில்லை. இது இதயத்தை உலுக்கும் சோகம், உங்கள் அலட்சியம் மன்னிக்க முடியாதது. உங்கள் செயல்களுக்கு நீங்கள் பொறுப்பேற்று உடனடியாக நிலைமையை சரிசெய்ய வேண்டும்." என பதிவிவிட்டுள்ளார்.

விமானத்தின் விவரங்களைப் பகிர்ந்து கொண்ட ட்விட்டர் பயனர், தனது நண்பர் தனது செல்லப் பூனைகளுடன் AI889 விமானத்தில் டெல்லியில் இருந்து இம்பாலுக்கு பயணம் செய்ததாகக் கூறினார். அவரது கதையை விவரிக்கும் அவர், ஆரம்பத்தில், பூனைகளுடன் பயணம் செய்ய அனுமதிக்கப்படவில்லை என்றும், விமானத்தை மாற்றியமைக்க அல்லது வணிக வகுப்பிற்கு மேம்படுத்துவதற்கான விருப்பம் வழங்கப்பட்டது என்றும் கூறுகிறார். தனது செல்லப்பிராணிகளுடன் பயணிக்க, அந்த நபர் தனது வணிக வகுப்பு டிக்கெட்டுகளை மேம்படுத்தினார். இருப்பினும், வணிக வகுப்பில் பயணம் செய்வதற்கான விருப்பம் இல்லாததால், அவரது செல்லப்பிராணிகளை சரக்குக்கு மாற்றுமாறு அவருக்குத் தெரிவிக்கப்பட்டது.

மேலும் படிக்க |  சைக்கிளில் 20,000 கி.மீ பயணம்.. கை இழந்த இளைஞரின் அசத்தும் செயல்!

சிறிது நேரம் காத்திருந்த பிறகு, அந்த நபர் தனது செல்லப்பிராணிகளை விமானத்தின் சரக்கு பிரிவுக்கு மாற்ற ஒப்புக்கொண்டார். பின்னர், அவளுடைய பயணத்திற்கு சிறிது நிமிடங்கலுக்கு முன்பு, அவளது ஒரு பூனை கூண்டை விட்டு ஓடி விட்டதாக அவளிடம் தெரிவிக்கப்பட்டது. கூண்டு மிக பாதுகாப்பாக பூட்டி வைக்கப்பட்டிருந்த நிலையில், ஒன்று எப்படி ஓடும் என கேள்வி எழுப்பியும் பயன் ஏதும் இல்லை. பூனைக்குட்டி ஒன்று ஓடிவிட்டதை அவர் அறிந்து கொண்டார். மேலும், அவளது பூனைகளில் ஒன்றோடு மட்டும் பறக்க  வேண்டிய "கட்டாயப்படுத்தப்பட்டது".

இந்த இடுகை ட்விட்டரில் பகிரப்பட்டதை அடுத்து, பல சமூக ஊடக பயனர்கள் பாதிக்கப்பட்ட பயணிகளுக்கு தாங்கள் ஆதரவை தெரிவித்தனர். பலர் விமானத்தின் செல்லப் பிராணி கொள்கையை மேம்படுத்த வேண்டும் என்று கோரினர். விமான நிறுவனத்தின் செல்லப் பிராணிகளை எடுத்து செல்வதற்கான கொள்கையைப் பற்றி பேசும் போது மற்ற நெட்டிசன்களும் இதே போன்ற தஙக்ள் அனுபவங்களை முன்வைத்தனர்.

மேலும் படிக்க | குடியரசு தலைவரை சந்திக்கும் தமிழ்நாடு முதலமைச்சர்

மேலும் படிக்க | மெரினாவில் பேனா நினைவு சின்னம்! அனுமதி வழங்கியது மத்திய அரசு!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ

Trending News