കൈത്തറിക്ക് കൈതാങ്ങായി കനകകുന്നിൽ ഏറ്റവും വലിയ ഫാഷൻ ഷോ

പാർവ്വതി ജയറാമും, മകൾ മാളവിക ജയറാമും ഒരേ വേദിയിൽ   

Written by - Zee Malayalam News Desk | Last Updated : May 8, 2022, 03:29 PM IST
  • 250-ലധികം മോഡലുകൾ കായികരംഗത്തെ പ്രോത്സാഹിപ്പിക്കുന്നതിനായി റാംമ്പിൽ അണി നിരക്കും
  • കൈത്തറി വസ്ത്രങ്ങൾ ധരിച്ചാണ് മോഡലുകൾ എല്ലാം റാമ്പിൽ എത്തുക
  • ചാരു ഹരിഹരന്റെലൈവ് മ്യൂസിക്കൽ ഫെർഫോമൺസും അരങ്ങേറും
കൈത്തറിക്ക് കൈതാങ്ങായി കനകകുന്നിൽ ഏറ്റവും വലിയ ഫാഷൻ ഷോ

തിരുവനന്തപുരം: കേരള ​ഗെയിംസിനോട് അനുബന്ധിച്ച് കേരളത്തിലെ പരമ്പരാ​ഗത വസ്ത്ര ചാരുതയ്ക്ക് പ്രചരണം നൽകുന്നതിന് വേണ്ടി കൈത്തറി രം​ഗത്ത് പ്രവർത്തിക്കുന്ന സംഘനയായ വിവേഴ്സ് വില്ലേജിന്റെ നേതൃത്വത്തിൽ സംഘടിപ്പിക്കുന്ന കൈത്തറി വസ്ത്രങ്ങളുടെ ഫാഷൻ ഷോ കനകകുന്നിൽ നടക്കും . കേരള ​ഗെയിംസിനോട് അനുബന്ധിച്ച് കനകക്കുന്നിൽ നടക്കുന്ന എക്‌സ്‌പോയുടെ  ഭാ​ഗമായാണ് മെയ് 8 ന് രാത്രി 7 മണിക്ക് ഫാഷൻ ഷോ സംഘടിപ്പിക്കുന്നത്.

പാർവ്വതി ജയറാമും, മകൾ മാളവിക ജയറാമും ഒരേ വേദിയിൽ 

PARU

ട്രാൻസ് ആക്ടിവിസ്റ്റുകൾ, ഭിന്നശേഷിക്കാർ, വീട്ടമ്മമാർ, കുട്ടികൾ, വയോധികർ, ദേശീയ തലത്തിൽ പ്രശസ്തരായ പ്രൊഫഷണൽ മോഡലുകൾ എന്നിവരുൾപ്പെടെ 250-ലധികം മോഡലുകൾ കായികരംഗത്തെ പ്രോത്സാഹിപ്പിക്കുന്നതിനായി  റാംമ്പിൽ  അണി നിരക്കും. സിനിമാ താരം ജയറാമിന്റെ ഭാര്യയും മകളുമായ പാർവ്വതി ജയറാമും, മാളവിക ജയറാമും ഒരു വേദിയിൽ ആദ്യമായി എത്തുന്നുവെന്ന പ്രത്യേകത കൂടിയുണ്ട്.  ലോകത്തിലെ ഏറ്റവും വലിയ ഒരു ഫാഷൻ ഷോ കൂടിയാണ് ഇത്. 

കൈത്തറി വസ്ത്രങ്ങൾ ധരിച്ചാണ് മോഡലുകൾ എല്ലാം റാമ്പിൽ എത്തുക. കൈത്തറി മേഖലയിലെ ഏറ്റവും വലിയ ഫാഷൻ ഇവന്റായിരിക്കും ഇതെന്നും ,  മോഡലിംഗ് സങ്കൽപ്പത്തെ തന്നെ മാറ്റിമറിക്കുന്നതാണെന്നും അധ്യായമാണ് ഇത്തരത്തിലെ റാമ്പ് പ്രദർശനമെന്നും ഷോ ഡയറക്ടർ ശോഭാ വിശ്വനാഥൻ  അറിയിച്ചു.   കഴിവുള്ള കായികതാരങ്ങളെ രൂപപ്പെടുത്തുന്നതിനും അവർക്ക്  പരിശീലനങ്ങളും അവസരങ്ങളും അടിസ്ഥാന സൗകര്യങ്ങളും വർദ്ധിപ്പിക്കുന്നതിനുള്ള ഫണ്ട് ശേഖരണണവും  ഇവന്റിന്റെ പ്രത്യേകതയാണ്.

FASHION

ലോക പ്രശസ്ത ഡിസൈനർമാരായ സഞ്ജന ജോൺ, രാജേഷ് പ്രതാപ് സിംഗ്, സീത പായൽ, സന്തോഷ് ഉർവ്വശി കൗർ തുടങ്ങിയവരുടെ ഡിസൈനുകളും പ്രദർശനത്തിന്റ മാറ്റ് കൂട്ടും.
ഇതോടൊപ്പം ചാരു ഹരിഹരന്റെലൈവ് മ്യൂസിക്കൽ ഫെർഫോമൺസും ഉണ്ടാകും. കൈത്തറി രം​ഗത്ത പ്രമുഖരെ ആദരിക്കുന്നു. ലാലു കൃഷ്ണദാസും, ഫെലിക്സുമാണ് കൊറിയോ​ഗ്രാഫി ചെയ്യുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ Twitter, Facebook ലിങ്കുകളിൽ ക്ലിക്കുചെയ്യുക. 
 
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ.
 
 

Trending News