Mehreen Kaur: మెహ్రీన్ కౌర్ విషయానికొస్తే.. ఎంతో అందం, నటన ఉన్న ఈ భామకు సక్సెస్‌లున్నా కథానాయికగా పెద్దగా కలిసి రాలేదనే చెప్పాలి. చాలా మంది కథానాయికలకు సక్సెస్ కోసం ఎదురు చూస్తుంటే..ఈమెకు మాత్రం విజయాలున్నా అందుకు తగ్గ ఛాన్సులు మాత్రం రావడం లేదనే చెప్పాలి.
మెహ్రీన్ కౌర్ మోడలింగ్ ఫీల్డ్ నుంచి సినీ ఇండస్ట్రీలో అడుగుపెట్టింది. తెలుగులో నాని హీరోగా హను రాఘవపూడి దర్శకత్వంలో తెరకెక్కిన 'కృష్ణగాడి వీరప్రేమగాథ' సినిమాతో వెండితెరకు పరిచయమైంది.
ఫస్ట్ మూవీతోనే మంచి విజయం అందుకున్న కథానాయికల్లో మెహ్రీన్ కౌర్ ఒకరు. ఆ తర్వాత ఈమెకు వరుస అవకాశాలు రావడం మొదలయ్యాయి.
అనిల్ రావిపూడి దర్శకత్వంలో రవితేజ హీరోగా నటించిన 'రాజా ది గ్రేట్' మూవీతో వరుసగా రెండో సక్సెస్‌ను తన ఖాతాలో వేసుకుంది.
ఆ తర్వాత వెంకటేష్, వరుణ్ తేజ్ హీరోలుగా నటించిన 'F2' మూవీలో హనీ ఈజ్ ది బెస్ట్ అంటూ మెహ్రీన్ చేసిన అల్లరిని ప్రేక్షకులు మరిచిపోలేదు. అప్పట్లో హర్యాణ మాజీ సీఎం మనవడితో ఎంగేజ్మెంట్ చేసుకొని వార్తల్లో నిలిచింది. ఆ తర్వాత అది పెళ్లి వరకు వెళ్లకుండానే ఆగిపోయింది.
ఇక ఎఫ్ 2 మూవీకి సీక్వెల్‌గా తెరకెక్కిన 'ఎఫ్ 3' మూవీ బాక్సాఫీస్ దగ్గర మంచి విజయం సాధించినా.. ఈ అమ్మడికి మాత్రం పెద్దగా ఒరిగిందేమి లేదు. అందుకే సరైన బ్రేక్ కోసం ఎదురు చూస్తోంది.
